ԲԱԲԼՈՅԱՆ ՍՅՈՒԶԱՆՆԱ ՌՈՒԲԵՆԻ (ծնվ․ 1974թ., ք. Երևան) մանկաբարձ-գինեկոլոգ, բժշկական գիտությունների դոկտոր, պրոֆեսոր:

2003թ.-ից առ այսօր <<Էրեբունի>> բժշկական կենտրոնում՝ որպես մանկաբարձ-գինեկոլոգ, 2015 թ. առ այսօր ԵՊԲՀ-ի Մանկաբարձության և գինեկոլոգիայի թիվ 1 ամբիոնի պրոֆեսոր է։

1981-1991թթ սովորել է Երևանի Պուշկինի անվան թիվ 8 միջն. դպրոցում,

1991-1997թթ սովորել է Երևանի Մ.Հերացու անվան պետական բժշկական համալսարանի բուժական գործ ֆակուլտետում, որն ավարտել է գերազանցության դիպլոմով։

1997-2001թթ կլինիկական օրդինատուրա է անցել Մանկաբարձություն և գինեկոլոգիա մասնագիտությամբ:

1997թ.-ին եղել է կլինիկական օրդինատոր Մոսկվայի ռուսական հետդիպլոմային ուսուցման ակադեմիայի N7 կլինիկական հիվանդանոցում, 1998թ.-ին՝ ԵՊԲՀ-ի Պերինատոլոգիայի, մանկաբարձության և գինեկոլոգիաի կենտրոնի Մանկաբարձության և գինեկոլոգիայի թիվ 2 ամբիոնում, իսկ 1998-2001թթ՝ Աթենքի ազգային համալսարանի Ալեքսանդրիայի հիվանդանոցի Մանկաբարձության և գինեկոլոգիայի թիվ 1 ամբիոնում։

2003թ-ին եղել է Երևանի պետական բժշկական համալսարանի Մանկաբարձության և գինեկոլոգիայի ամբիոնի ավագ լաբորանտ, 2004-2007թթ.՝ Երևանի պետական բժշկական համալսարանի Մանկաբարձության և գինեկոլոգիաի թիվ 1 ամբիոնի ասիստենտ, 2007-2015թթ.՝ նույն ամբիոնի դոցենտ։

2006թ. եղել է Քաթարի Համադ բժշկական կենտրոնի (Hammad MC) մանկաբարձ – գինեկոլոգ։

22.01.2003 թ. Աթենքում պաշտպանել է ատենախոսություն՝ ստանալով Աթենքի ազգային համալսարանի բժշկական գիտություների դոկտորի կոչում։

11.07.2003 թ. շնորվել է բժշկական գիտությունների թեկնածուի գիտական աստիճան ՀՀ ԲՈՀ-ի կողմից։

2013թ. պաշտպանել է դոկտորական ատենախոսություն՝ ստանալով բժշկական գիտությունների դոկտորի գիտական աստիճան ՀՀ ԲՈՀ-ի կողմից։

2003թ.-ից Հունաստանի մանկաբարձության և գինեկոլոգիայի ասոցիացիայի ակտիվ անդամ է (HSOG)։

2005թ-ից անդամակցում է Գինեկոլոգիական ուռուցքաբանության եվրոպական ասոցիացիային (ESGO-ի)։

2009 – 2015թ եղել է ΕNYGO-ի անդամ, Հայաստանի ներկայացուցիչ-անդամ։

2008 թ. եղել է Գինեկոլոգիական քաղցկեղի միջազգային ասոցիացիայի (IGCS), 2015թ-ից Մանկաբարձությունում և գինեկոլոգիայում ուլտրաձայնային ախտորոշման հայկական ասոցիացիայի (ՄԳՈՒԱՀԱ), 2015թ-ից՝ Ուլտրաձայնային մանկաբարձության և գինեկոլոգիայի միջազգային ասոցիացիայի (ISUOG) անդամ ։

Մասնակցել է մասնագիտական բազմաթիվ վերապատրաստումների (Ավստրիա, Ֆրանսիա, Միացյալ Թագավորություն, Բելգիա, Ռուսաստանի Դաշնություն և այլուր):

Մասնակցել է ավելի քան 40 միջազգային կոնգրեսի և սեմինարի ինչպես Հայաստանում, այնպես էլ՝ արտերկրում։

Հեղինակ է ավելի քան 55 գիտական հոդվածի և անգլախոս ուսանողների համար նախատեսված “Gynecology for Student” ձեռնարկի:

Տիրապետում է անգլերենի, հունարենի, ռուսերենի, գերմաներենի:

ԲԱԲԼՈՅԱՆ ՍՅՈՒԶԱՆՆԱ ՌՈՒԲԵՆԻ

+374 91 494938(բջջ.)
Էրեբունի Բժշկական Կենտրոն, Տիտոգրադյան փ, 14շ., 0087, Երևան, Հայաստան