ԷԴԳԱՐ ԿՈՍՏԱՆԴՅԱՆ

ԷԴԳԱՐ ՄԵԼՍԻԿԻ ԿՈՍՏԱՆԴՅԱՆ

ԲԺԻՇԿ-ՍՏՈՄԱՏՈԼՈԳ,ԻՄՊԼԱՆՏՈԼՈԳ

Էդգար Մելսիկի Կոստանդյանը ծնվել է 1980 թվականի դեկտեմբերի 19-ին՝ Սյունիքի մարզի Կապան քաղաքում։

1986–1994  թվականներին սովորել է Կապան քաղաքի թիվ 3 միջնակարգ դպրոցում։

1994 թվականին, հետպատերազմյան շրջանում, ընտանիքի հետ տեղափոխվել է Ռուսաստանի Դաշնություն՝ Դոնի Ռոստով քաղաք։

1998–2001 թվականներին սովորել է Ռոստովի բազային բժշկական քոլեջում։

2001–2003 թվականներին ծառայել է Ռուսաստանի Դաշնության զինված ուժերում։

2003–2008 թվականներին սովորել է Մոսկվայի պետական բժշկական ստոմատոլոգիական համալսարանում։

2008–2010 թվականներին անցել է կլինիկական օրդինատուրա։

2009–2011 թվականներին աշխատել է մասնավոր ստոմատոլոգիական կլինիկայում՝ որպես բժիշկ-ստոմատոլոգ։

2011 թվականին տեղափոխվել է Հայաստանի Հանրապետություն՝ Կապան քաղաք, և աշխատանքի անցել «Կապանի բժշկական կենտրոն» ՓԲԸ-ում՝ որպես բժիշկ-ստոմատոլոգ։

Իր ամենօրյա մասնագիտական գործունեության շրջանակներում իրականացնում է թերապևտիկ, օրթոպեդիկ և վիրաբուժական ստոմատոլոգիական ծառայություններ։

2011 թվականից ի վեր շարունակաբար կատարելագործում է իր մասնագիտական գիտելիքներն ու գործնական հմտությունները՝ պարբերաբար մասնակցելով բազմաթիվ ստոմատոլոգիական կոնֆերանսների  և մասնագիտական սեմինարների։

2013 թվականից զբաղվում է ատամնային իմպլանտացիայով՝ հաջողությամբ կիրառելով ոլորտի ժամանակակից մեթոդներն ու տեխնոլոգիաները։

Այսօր իր մասնագիտական գործունեության ընթացքում նա կարևորում է բուժման ժամանակակից մոտեցումների կիրառումը, շարունակական մասնագիտական զարգացումն ու յուրաքանչյուր պացիենտի նկատմամբ անհատական մոտեցումը՝ ապահովելով որակյալ և արդյունավետ ստոմատոլոգիական ծառայություններ։