ՔՐԻՍՏԻՆԵ ԱՎԱԳՅԱՆ
ՍՏՈՄԱՏՈԼՈԳ, "Kristina Dent" ՍՏՈՄԱՏՈԼՈԳԻԱԿԱՆ ԿԵՆՏՐՈՆԻ ՀԻՄՆԱԴԻՐ
Քրիստինե Ավագյանը շուրջ երկու տասնամյակ իր մասնագիտական գիտելիքն ու փորձառությունը նվիրում է մարդկանց՝
առողջության պահպանմանն ու գեղեցիկ ժպիտների ստեղծմանը։ Նրա գործունեության հիմքում բարձր պատասխանատվությունն է,
շարունակական մասնագիտական զարգացումն ու յուրաքանչյուր պացիենտի նկատմամբ անհատական մոտեցումը։
Մասնագիտական ուղին սկսել է 2006 թվականին՝ որպես ստոմատոլոգ Վեդի քաղաքում, այնուհետև գործունեությունը շարունակել է
Երևանի «Նորադենտ» ստոմատոլոգիական կլինիկայում՝ ձեռք բերելով հարուստ կլինիկական փորձ և մասնագիտական հեղինակություն։
2025 թվականին հիմնադրել է Kristina Dent ստոմատոլոգիական կենտրոնը, որտեղ համատեղվում են ժամանակակից տեխնոլոգիաները, բարձրակարգ մասնագիտական մոտեցումն ու պացիենտակենտրոն սպասարկումը։
Բացի հաջողակ կլինիկական գործունեությունից, Քրիստինե Ավագյանը տարիներ շարունակ ակտիվորեն զբաղվում է նաև կրթական աշխատանքով՝
իր գիտելիքն ու փորձը փոխանցելով ապագա մասնագետներին.
• 2015 - 2022 թթ․ դասախոս՝ Երևանի հայ-ամերիկյան, ինչպես նաև «Էրեբունի» պետական բժշկական քոլեջում
• 2022 թ․-ից մինչ օրս՝ «Մեհրաբյան» բժշկական քոլեջի Ատամնաբուժական բաժնի գլխավոր մասնագետ և դասախոս
• 2023 թ. մինչ օրս, Պրովիզոր-նկարիչ Լևոն Սարգսյանի անվան բժշկական քոլեջում
Դասավանդվող առարկաները՝
- Նյութագիտություն
- Անշարժ և շարժական պրոթեզավորում
- Դիմածնոտային հիվանդություններ
- Օրթոդոնտիա
- Ստոմատոլոգիական հիվանդություններ
Քրիստինե Ավագյանի աշխատանքի գլխավոր արժեքներն են`
- Մասնագիտական ազնվությունը հոգատար վերաբերմունքը։
- Անհատական մոտեցում յուրաքանչյուր պացիենտի
- Ճշգրտություն, պատասխանատվություն և պրոֆեսիոնալիզմ
- Մաքսիմալ հարմարավետություն և անկաշկանդ միջավայր պացիենտի համար
Նրա համոզմամբ՝ բարձրակարգ ստոմատոլոգիական օգնությունը պետք է համատեղի բժշկական գերազանցությունը, ժամանակակից տեխնոլոգիաներն ու վստահության վրա հիմնված մարդկային հարաբերությունները՝ ապահովելով առողջ, բնական և գեղեցիկ ժպիտ յուրաքանչյուր պացիենտի համար։
